Sonja's Weblog - Sonja @ Feschmaart

Lescht Joer huet CFL 119 Gigawatt Stonnen un Elektrizitéit eleng vir Fuer Verkéier verbraucht!
No der neier EU Direktive soll bis am Joer 2020 Minimum 5,7 % un erneierbarem Stroum benotzt ginn!
CFL keeft zënter 2008 “Nova-Naturstroum” vun Däitschland an...
Mat wéi engem Stroum gëtt den Tram bedriwwen?
Och mat “Nova-Naturstroum” oder mat Cattenom Stroum, mir maachen ons komplett ofhängeg vun anere Länner, Stroum ass och ee Buisness, wat hunn d’ Regierung an Aktionären mateneen gemauschelt?
Nee, wéi ëmmer gëtt hei am Land Aen Wäscherei bedriwwen an ons hei vun “Pro Tram” Aktivisten mat Zuelen ze kommen, déi fiktiv sinn!!
Wat eng Polemik de Bausch klappt vu Freed an d’ Flilleken, deen duerchaus Gréngen sollt ons mol opklären...! Awer nee, et gëtt schonn un de Recetten kalkuléiert.
Zitat Bausch op RTL: “d' Recetten déi rakommen maachen 1/3 aus vun de Käschten, sou datt een déi kann ofzielen.
Iwwer 1 Millioun d' Joer huet ons den Tram schonn un Étuden kascht, a wann en dann iergendwann fäerdeg gestallt ass, kascht dat Spillchen ons 586 Milliounen, vun den Imprévuen an dem Ënnerhalt emol ofgesinn...

1994 - 1999 BTB                                   1,91 Mio. €
1999-2004 Train-Tram                         5,17 Mio. €
2004-2009 Liichten Tram                     2,26 Mio. €
                              Total:                     9,34 Mio. €
Wéi wann dat schonn net genuch ewech geheite Millioune woren, gouf dunn:
2007-2012 GIE Luxtram                       7,89 Mio. €
gegrënnt! Dat sinn Summa Summarum: 17,23 Milliounen €uro!!!!!!!
Quell vun deene Chifferen: RTL
Mäin léiwe Bausch, da mussen awer vill Leit mat Tram fueren, dass dat sech rechent!
Dat sinn eleng d’ Käschten vun deem fiktiven Tram, genee Zuelen iwwert de Bau an de Maschinnen gi mir da gewuer, wann de Projet amgaangen ass...
Ganz nom Juncker senger Philosophie: “Mir stellen eppes an de Raum, a wann kee reagéiert... “

Stater Geschäftsleit wäerten sech nach freeën, eng Virfreed kréien se jo schonn elo, wann den Hammel Center; Pardon; Centre Hamilius gebaut gëtt!

De Chaos ass sou oder programméiert, vum finanziellen Chaos emol ofgesinn, dee leschten kéint ons allerdéngs de Réck briechen!